ҲАР БИР МУРОЖААТ ЭЪТИБОРДА

Олий Мажлис Сенати аъзоси, вилоят ҳокими Шуҳратбек Абдураҳмонов шу йил 26 май куни фуқаролар билан мулоқотида вилоятимиз шаҳар ва туманларидан келган 115 нафар юртдошимизнинг оғзаки мурожаатларини тинглади.

Андижон шаҳрининг Бобур шоҳкўчасида яшовчи О. Қосимова тадбиркорликни йўлга қўйиш учун астойдил ҳаракатда. “Ҳар бир оила – тадбиркор” дастури доирасида имтиёзли кредит олиш истагида. Шаҳрихонлик Н. Жалоловага тадбиркорлик фаолиятини кенгайтириш учун қўшимча ер керак. Булоқбоши туманида яшочи Ҳ. Мирзаевга эса ипотека кредити асосида уй-жой харид қилиши учун ёрдам зарур.

Учрашув давомида уй-жой, банк-кредит, ишга жойлашиш, тиббиёт, таълим сингари йўналишларда юқоридаги каби мурожаатлар ижроси юзасидан тегишли мутасаддиларга аниқ вазифалар белгилаб берилди.