ОЗИҚ-ОВҚАТ САНОАТИ ЗОНАСИ ВА ГОЛЬФ МАЙДОНИ

Ушбу инвесторлар бугун кун бўйи вилоятимизнинг инвестиция салоҳиятини ўргандилар, жойларда бўлдилар ҳамда имкониятларимиз билан танишдилар. Меҳмонларда катта таассурот уйғотган вилоят салоҳияти уларни мамнун этганини 500 миллион долларлик келишувда кўриш мумкин. Унга кўра энди, дастлаб мевани қайта ишлаш ва экспорти, кейинчалик кластер усулидаги озиқ-овқат саноати зонасини ташкил этиш, текстиль соҳаларидаги ҳамкорлик масалалари келишиб олинди. Қурилиш соҳасида эса, Кашиф Муҳаммад замонавий миқёсдаги массив барпо этишни, массивда уйлар, мактаб ҳамда мактабгачага таълим муассасаларидан ташқари дам олиш майдончалари, қишқи ва ёзги чўмилиш ҳавзалари ҳамда гольф майдонини қуриш режалари ҳақида ўртоқлашди. Натижага кўра, вилоят ҳокимлиги ва икки йирик компания ўртасида Меморандум имзоланди.

Вилоят ҳокимлиги Матбуот хизмати