Андижоннинг зукко қизлари

Вилоят ҳокимлигида бўлиб ўтган ана шундай тадбирга ўрта махсус ва умумтаълим мактабларининг истеъдодли қизлари ҳам таклиф қилинди.

– Сиз Андижоннинг Нодиралари, Турсунойлари, Сиёсатхонлари бўлишингизга ишонаман, – деди вилоят ҳокими ўз сўзида.

Дарҳақиқат, ўз истеъдодлари билан юксак мукофотга муносиб кўрилаётган қизлар ҳар қандай соҳада барчага ўрнак бўлмоқдалар.

– Мен ранг-тасвир асарларим билан Миср, Болгария, Япония давлатларидаги халқаро танловларда қатнашдим, – дейди Андижон ихтисослаштирилган санъат мактаб-интернати ўқувчиси Дилҳавас қодирова.

– Мен УШУ бўйича Осиё чемпиониман, – деди қўрғонтепа туманидаги 5-умумтаълим мактаби 10-синф ўқувчиси Хонзода Расулова.

Тадбирда сўз олган номзодлар Андижон машинасозлик институти талабаси М. Ҳамдамжонова, Андижон санъат коллежи ўқувчилари – Г. Раджиева, М. Ашурова, М. Машрабовалар куй ва қўшиқлари билан иқтидорларини намойиш этдилар.

Вилоятдан Зулфия номидаги давлат мукофотига номзоди кўрсатилиб, республика босқичида иштирок этган барча қизларга вилоят ҳокимининг эсдалик совғалари топширилди.