Биринчи президентимиз хотирасига эҳсон берилди.

Бугун Андижон шаҳридаги «Тошкент премиум» тантаналар саройида мамлакатимизнинг биринчи президенти хотирасига эҳсон берилди.

Унга кенг жамоатчилик вакиллари, имом-хатиблар ва нуронийлар таклиф этилди. Ислом Каримовнинг мустақил давлат қуриш ва унинг тараққиёти йўлида амалга оширган эзгу ишлари ёдга олиниб, ёрқин ҳаёт йўли ҳақида видеолавҳа тамошо қилинди. Шундан сўнг эҳсон дастурхонига ош тортилди. Анъанага мувофиқ, йиғин якуни олдидан қуръон тиловати ва дуои хайр қилинди.