ИНСОН МАНФААТЛАРИ УЧУН ХИЗМАТ ҚИЛИШ ҲАЁТИЙ ТАМОЙИЛГА АЙЛАНИШИ ШАРТ

Олий Мажлис Сенати аъзоси, вилоят ҳокими Шуҳратбек Абдураҳмоновнинг 26 январь куни фуқаролар қабули эрталабки 09.00 дан тунги соат 23.00 га қадар давом этди. Мулоқотда вилоятимиз шаҳар ва туманларидан келган 115 нафар юртдошимизнинг оғзаки мурожаатларини тинглади. Андижон шаҳридаги Ёшлар марказида бўлиб ўтган ушбу қабулда турли муаммолар билан келган фуқаролар ва юридик шахслар иштирок этдилар.

Учрашув давомида уй-жой, банк-кредит, ишга жойлашиш, тиббиёт, таълим сифати,  ичимлик суви каби  муаммолар кўтарилди. Шунингдек, суд-ҳуқуқ соҳасига тааллуқли, тадбиркорликни ривожлантириш борасидаги мурожаатлар қайд этилди.  Бирма бир суҳбат асосида вилоят ҳокими юқоридаги каби мурожаатлар ижроси юзасидан тегишли мутасаддиларга аниқ вазифалар белгилаб берилди.

 Ушбу қабулда шунингдек, вилоят ташкилот ва корхоналарининг мутасаддилари ҳам аҳоли мурожаатларини тингладилар. 103 нафар фуқаронинг мурожаатлари бўйича тегишли соҳа вакиллари жойнинг ўзидаёқ муаммоларни ҳал этишга ҳаракат қилдилар. Вилоят соғлиқни сақлаш бошқармаси 25 та, вилоят адлия бошқармасига 19 та, судлар тизимида 30 та ҳамда Мажбурий ижро бюроси томонидан 8 та мурожаатлар вакиллар томонидан кўриб чиқилди, ҳуқуқий тушунча ва маслаҳатлар берилди ҳамда аризалар қабул қилинди. Бир сўз билан айтганда, ушбу 103 нафар фуқаронинг ўз муаммолари бўйича вилоят ҳокимига мурожаат қилишларига ҳожат ҳам қолмади.

                                                                                                                                                                                 Вилоят ҳокимлиги                                                                                                                                                                            Матбуот хизмати бўлими