Ҳайдаров Шахобиддин Сирожидинович

09.05.1966 йил Андижон шаҳрида туғилган. 

Маълумоти олий 1990 йили Тошкент тўқимачилик ва енгил саноат институтини тўқимачилик йўналишини тамомлаган. Меҳнат фаолиятини 1983-1989 йиллари  Андижон ип-газлама комбинати 1-тўқув цехи уста ёрдамчиси, 4-тоифали уста-шогирди вазифасидан бошлаган. 1989-1991 йиллари Тўқув фабрикаси комсомол қўмитаси котиби, комбинат ёшлар қўмитаси котиби ўринбосари, 1991-1992 йиллари Андижон шаҳар ижроия қўмитаси, шаҳар ҳокимлиги масъул котиби, 1992-1997 Андижон шаҳар ҳокимлиги ҳарбий сафарбарлик бўлими бошлиғи, 1997-1999 йиллари Андижон шаҳар ҳокимлиги ижтимоий масалалар бўйича 1-тоифали мутахассиси, бош мутахассиси, 1999-2001 йиллари Ўзбекистон Халқ демократик партияси Андижон шаҳар Кенгаши биринчи котиби, 2001-2003 йиллари “Маҳалла” ҳайрия жамғармаси Андижон шаҳар бўлинмаси раиси, 2003-2007 йиллари МКТ “Ватанпарвар” Андижон вилоят Кенгаши раисининг оммавий касб ходимлари тайёрлаш ва хизмат кўрсатиш ишлари бўйича ўринбосари, молия-иқтисодиёт ва режалаштириш бўлими мутахассиси, 2007-2010 йиллари Андижон вилоят Монополидан чиқариш, рақобат ва тадбиркорликни қўллаб-қувватлаш ҳудудий бошқармаси банкрот корхоналарни тугатиш  ва суд бошқарувчилари фаолиятини назорат қилиш бўлими бош мутахассиси, бўлим бошлиғининг ўринбосари, бўлим бошлиғи, 2010-2013 йиллари Андижон вилоят Монополиядан чиқариш ва рақобатни ривожлантириш ҳудудий бошқармасининг Банкротлик масалалари, ташқи бошқарув ва суд бошқарувчилари фаолиятини назорат қилиш бўлими бошлиғи, табиий монополиялар фаолиятини тартибга солиш бўлими бош мутахассиси, рақобат мухитини ривожлантириш бўлими бошлиғининг ўринбосари, 2013 йили Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси Андижон вилоят ҳудудий бошқармасининг хусусийлаштириш ва инвестиция мажбуриятлари бажарилиши мониторинги бўлими бошлиғи, 2013-2015 йиллари Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси Андижон вилоят  ҳудудий бошқармасининг рақобат мухитини ривожлантириш ва ноҳалол рақобатга йўл қўймаслик бўлими бош мутахассиси, 2015 йили “Соnеx Express Servis” МЧЖ ёрдамчи бахоловчиси, 11.11. 2015 йилдан ҳозирги вақтга қадар  Андижон вилоят ҳудудий Архив иши бошқармаси бошлиғи вақтинчалик бошқарувчиси лавозимларида фаолият олиб бормоқда.