Бюджетдан ташқари Пенсия жамғармаси иштирокида жиноятчилик ва коррупцияни олдини олиш мавзусида йиғилиш ташкил этилди.
Мамлакатимизда фуқароларнинг турмуш даражасини таъминлаш ва қўллаб қувватлашга йўналтирилган иқтисодий, ҳуқуқий, ижтимоий ва ташкилий характерга эга бўлган бир қатор чора-тадбирлар комплекси амалга ошириб келинмоқда. Ана шундай тадбирлардан бири Андижон вилоятида Андижон вилояти прокуротураси ва бюджетдан ташқари Пенсия жамғармаси Андижон вилояти бошқармаси иштирокида жиноятчилик ва коррупцияни олдини олиш, унга яратилаётган шарт-шароитларни ўрганиб чиқилган ҳолда бартараф этишга қарши курашиш мавзусида йиғилиш ташкил этилди.
Йиғилиш танқидий рухда ўтказилиб бунда Андижон вилояти прокуротураси ходими А.Хўжаёров томонидан пенсиянерларга яратилаётган шароитлар, пенсия ва нафақа пулларни мақсадли сарфланишини назорати ва доимий маниторингини таъминлаб бориш, таъмагирлик, порaхўрлик ва фуқароларнинг қонун хужжатлари билан кафолатланган ҳақ-хуқуқларини бузилиш холатларига йўл қўймаслик хусусида сўз олиб борилиб, Пенсия жамғармаси Андижон шахар ҳамда Улуғнор тумани бўлимида аниқланган қонун бузилиш холатлари мухокама этилди.
Охирги ўзгариш: 19/09/2018 20:18 Кўрилганлиги: 5283
Сайтдаги интерактив хизматларга баҳо беринг
